PREMIJERNO

U okviru filmskog programa CNP-a pod nazivom Cinema Studio u ponedeljak 27. januara u 20.30 sati će na Sceni Studio, premijerno u Podgorici biti prikazan film “Izvinite, nismo vas našli”, reditelja Ken Loach-a, dok će u utorak 28. januara sa početkom u 20.30 sati biti prikazan film “Izdajnk” koji je režirao Marco Bellocchio.

Glavne uloge u filmu “Izvinite, nismo vas našli” tumače : Kris Hitchen, Debbie Honeywood i Rhys Stone. 

“Izvinite, nismo vas našli” je drama koja u fokus dešavanja stavlja izvor svega zla u svijetu: kapitalizam. Louch na veoma realističan način prikazuje emotivnu krizu jedne radničke porodice koja se bori sa sve većim klasnim razlikama u društvu. 

Film je dobio niz važnih međunarodnih nagrada – proglašen je za najbolji film festivala u Ljubljani, San Sebastijanu (Španija) i Sent Luisu (SAD). Osim toga, Debbie Honeywood je za ulogu Abbie Turner osvojila nagradu za njabolje odigranu žensku ulogu na Čikaškom filmskom festivalu.

U filmu “Izdajnik” glavne uloge tumače Pierfrancesco Favino, Luigi Lo Cascio i Fausto Russo Alesi.

Film je biografska kriminalna drama koja prikazuje život jednog od najpoznatijih mafijaša, Tommasa Buscette uhvaćenog u ratu između sukobljenih frakcija Costa nostre 1980-ih. Uhvaćeni mafijaš Buscette prihvata ponudu sudca da postane svjedok protiv mafije a svoj čin ne vidi kao kršenje mafijakog kodeksa.

“Izdajnik” je dobitnik italijanske nagrade Zlatni globus a pokupio je brojne pozitivne kritike među kojima je i kritika britanskog dnevnog lista The Guardian –,, Veliko, hrabro, samouvjereno filmsko ostvarenje.”

Ulaznice se mogu rezervisati i kupiti na zvaničnom web sajtu pozorišta www.cnp.me.